A empresa segue sen modificar a Proposta do 66 % e ampárase na lei de protección de datos para restrinxir a información ao comité, que pediu máis documentación para avaliar a medida que se propón.
A comisión negociadora
do comité sinalou que no convenio en vigor xa se contemplaba a posibilidade de
que houbese perdas durante o 2013, polo que considera que as causas que
argumenta a empresa para planear este novo recorte xa foron negociadas.
O comité
sospeita que o proceso de recortes que se ven de iniciar decidiuse por parte da
empresa xa en marzo do 2012 coa intención de aproveitar a reforma laboral que
entrara en vigor un mes antes.
Os
negociadores do comité tamén puxeron de manifesto na mesa as súas dúbidas sobre
os datos facilitados respecto ao que La Voz de Galicia paga a outras empresas
do Grupo, pagamentos que poderían ter provocado unha situación económica peor
da que realmente existe.
O asesor
externo da empresa volveu a reiterar durante a reunión de hoxe que a Proposta
do 66 % é unha medida temporal e que podería estar suxeita, se as
circunstancias económicas mudan, a unha revisión con novos recortes. O comité
considera que a empresa non está dando garantía ningunha respecto ao mantemento
do emprego, mentras segue en suspenso a mediación no AGA.
O comité
segue sen recibir a información que solicitou sobre as retribucións dos membros
da alta dirección e do Consello de Administración de La Voz de Galicia S.A. e
da súa matriz (Corporación Voz de Galicia). Tampouco recibiu ningunha
explicación nin detalle sobre a partida que anualmente paga La Voz de Galicia á
sociedade cabeceira do Grupo en concepto de servizos profesionais prestados
polos directivos de Corporación Voz de Galicia.
Unha das
maiores sorpresas da reunión de hoxe foi a constatación da situación laboral do
director do xornal, que non ten dedicación exclusiva a La Voz de Galicia, xa
que traballa en réxime de pluriempleo.
Para que a
proposta da empresa sexa críble, a comisión negociadora do comité pediulle que
fixeran «o camiño contrario»: que se aplicara a alta dirección as rebaixas que
plantexan a plantilla como paso previo a calquera proposta no mesmo sentido
para os traballadores. As partes quedaron convocadas a unha reunión pasadomañá
mércores.
Por outra
banda, o comité quere agradecer a colaboración dos compañeiros no reparto
reivindicativo de onte na Coruña contra a Proposta do 66%.
Ningún comentario:
Publicar un comentario